Ажлын зар

Sample photo

Sample photo


ТЕНДЕРИЙН УРИЛГА

 

Сонгон шалгаруулалт: Хан-Уул дүүргийн “Hybrid” автотээврийн хэрэгслээр хувиараа такси үйлчилгээ эрхлэгч иргэдийн ажлын байрны аюулгүй байдлыг хангах бараа нийлүүлэх аж ахуйн нэгж, байгууллагуудыг сонгон шалгаруулах

Хан-Уул дүүргийн Хөдөлмөрийн хэлтэс  нь сонгогдсон эрх бүхий тендерт оролцогчдоос /Хан-Уул дүүргийн “Hybrid” автотээврийн хэрэгслээр хувиараа такси үйлчилгээ эрхлэгч иргэдийн ажлын байрны аюулгүй байдлыг хангах барааг/ нийлүүлэх тухай үнийн санал ирүүлэхийг  урьж байна.

 

Үнийн саналыг 2016 оны 07 дугаар сарын 07-ны өдрийн 16:00 цагаас өмнө Хан-Уул дүүрэг, 3 дугаар хороо, Иргэдэд үйлчлэх төв байрны 6 давхарт 607 тоот хаягаар ирүүлнэ.

 

Үнийн саналыг нээлтэд оролцох хүсэлтэй  тендерт оролцогчдыг байлцуулан  2016 оны 07 дугаар сарын 07-ны өдрийн 17:00 цагт-т нээнэ.

 

Монгол Улсын гарал үүсэлтэй бараанд давуу эрхийн зөрүү тооцохгүй.

 

Сонирхсон этгээд тендерийн баримт бичиг болон бусад мэдээллийг доорх хаягаар авч болно.

 

 

Хан-Уул дүүрэг, 3 дугаар хороо, Чингисийн Өргөн Чөлөө

Иргэдэд үйлчлэх төв байр

6 давхарт 607тоот 70144366, 11-344366

 

 

 

Хан-Уул дүүргийн Ажилчны алдар талбайд өрхийн үйлдвэрлэл, бичил бизнес эрхлэгчидээ дэмжсэн "Хан-Уулд үйлдвэрлэв"  үзэсгэлэн худалдаа явагдлаа. Тус үзэсгэлэн худалдаанд Хөдөлмөрийн хэлтсээс хэрэгжүүлж буй Хөдөлмөр эрхлэлтийг дэмжих арга хэмжээ хөтөлбөр, төслүүдэд хамрагдан  санхүүгийн дэмжлэг авсан 40 гаруй иргэд оролцож өөрсдийн үйлдвэрлэсэн бараа бүтээгдэхүүнээ сурталчилан таниулж  борлуулалт хийлээ. 

"Хан-Уулд үйлдвэрлэв" өдөрлөгийг нээж  Хан-Уул дүүргийн Засаг дарга Ж.Ганхуяг, Хөдөлмөрийн  хэлтсийн дарга Б.Алтанцэцэг нар үг хэллээ. Өдөрлөгийн нээлтэнд хүрэлцэн ирсэн Хан-Уул дүүргийн Засаг дарга Ж.Ганхуяг болон бусад хэлтэс, албадын дарга нар бичил бизнес эрхлэгч иргэдтэй уулзаж ярилцаж санал бодлоо солилцон тэдгээрийн үйлдвэрлэсэн бараа бүтээгдэхүүнтэй танилцлаа. 

 

 

 

            Хөдөлмөрийн Яам, Нийслэлийн Хөдөлмөрийн Газраас хэрэгжүүлж буй “Ногоон хөгжилд-Өрхийн оролцоо” туршилтын хөтөлбөрийн хүрээнд Хан-Уул дүүргийн Засаг Даргын тамгын газар, Хан-Уул дүүргийн Хөдөлмөрийн хэлтэс хамтран 2016 оны 06 сарын 06-ний өдөр Нисэх, Яармагийн гэр хорооллын  2000 өрхөд  10000 ширхэг чацарганы бутыг хувиарлан тарааж өглөө.


 ХӨДӨЛМӨРИЙН ХЭЛТЭС

Хөдөлмөр эрхлэлтийн үйлчилгээ, судалгаа, мэдээллийн үндэсний төв, Хан-Уул дүүргийн хөдөлмөрийн хэлтэс хамтран жил бүр уламжлал болгон зохион байгуулдаг “Амжилтын гараа” өдөрлөг 2016 оны 03 дугаар сарын 25-ны өдөр “Хөдөлмөрийн ордон”-д боллоо.

Тус өдөрлөгийн хүрээнд ажил хайгч иргэдийг ажилд зуучлах, ажил олгогч байгууллагын ажлын ярилцлаганд оруулах, ажил мэргэжлийн чиг баримжаа олгох зөвлөгөө мэдээлэл өгөх зэрэг үйлчилгээг нийт оролцогчдод үзүүлсэн байна.

 Өдөрлөгт нийт 28 ажил олгогч байгууллага, 600 гаруй ажил хайгч иргэн оролцсоноос ажил мэргэжлийн чиг баримжаа олгох зөвлөгөө, мэдээллийг 165 иргэнд үзүүлж, 100 гаруй иргэнийг ажилд зуучиллаа.

 ХӨДӨЛМӨРИЙН ХЭЛТЭС

“Аж ахуй эрхлэх,  бичил бизнесийг дэмжих хөтөлбөр”-ийн санхүүгийн дэмжлэгт хамрагдах хүсэлтэй иргэдийн төслийг 2016 оны 03 дугаар сарын 04-ны өдрөөс 2016 оны 03 дугаар сарын 25-ны өдрийг дуустал  Хөдөлмөрийн хэлтэс дээр хүлээн авна.

Дэлгэрэнгүй...